Thursday, February 18, 2016

முகநூலில் என் கிறுக்கல்கள்!

முகநூலில் அவ்வப்போது பகிர்ந்த என் கிறுக்கல்களை இங்கே பகிர்கிறேன்..

1) 
வீட்டின் அருகில்ஒரு மரம்
ஈசனை தன்னுள்ளே
வைத்திருக்கும்
இதன் பூ!
பூத்த பின், மணம்
ஆளை மயக்குகிறது
நாகங்களுக்கும் இதன்
மேல் மயக்கமாம்!
ஆதலால் சூரிய
உதயத்திலும்
அஸ்தமனத்திலும்
பறிக்க இயலாது
உச்சி வேளையில்
சிவசிவ என்றே சொல்லி
பறித்து வந்து
வைப்பதுண்டு...
அடுத்த கட்டிடம்
வரும் வரை
இருக்கும் இந்த
நாகலிங்கமரம்!

2)
மாலை நேரங்களில்
கூட்டமாக தென்பட்டு
கண்களைக் கவர்ந்த
மயில் கூட்டங்கள்!
சின்னஞ்சிறு குழந்தையைப்
போன்ற சப்தங்களை
தந்து கொண்டிருந்த
மயில் கூட்டங்கள்!
தோப்புகளின் அழிவால்
கட்டிடங்களின் பெருக்கத்தால்
மனித நடமாட்டத்தால்
எங்கே சென்றனவோ!!!
3)
புத்தகங்கள் 
என் நட்புக்கான 
பாலங்கள்!
4)
புதியதோர் இடத்தில்
இன்னாருடைய மனைவி
மகள், மருமகள், அக்கா
என்றில்லாமல்
நான் நானாகவே
அறிமுகமாகி, நட்பு
வட்டத்தை பெற்றது
பெருமை கொள்ளச் செய்தது!
5)
கேட்ட கேள்விக்கு மட்டும் பதில்!
எதிரே இருவர் வாய் ஓயாமல்
பேசிக் கொண்டிருந்தாலும்
அவர்களை வாய் பிளந்தவாறு
பார்த்தே இருப்பவள்!
இன்று வாய்மூடாமல், எங்கோ
ஆரம்பித்து எங்கோ சென்றாலும்
முடிவற்ற பேச்சாக
பேசுபவளாக மாறிவிட்டேன்.....:)))

மீண்டும் சந்திப்போம்,

ஆதி வெங்கட்
திருவரங்கம்.

4 comments:

  1. அனைத்தும் அருமை சகோ

    ReplyDelete
  2. எல்லா கவிதைகளும் நன்றாக உள்ளது ஆதி.

    ReplyDelete
  3. சிறப்பான படைப்புகள் ....

    புத்தகங்கள்
    என் நட்புக்கான
    பாலங்கள்!...


    அருமையான வரிகள்

    ReplyDelete

படிச்சீங்களா! உங்கள் கருத்தினையும் சொல்லுங்களேன்…